"Azərbaycan Sənaye Korporasiyası” ASC və Sumqayıt Şəhər İcra Hakimiyyəti
31 dekabr - Dünya Azərbaycanlılarının Həmrəylik Günü və Yeni il münasibətilə
xeyriyyə tədbiri keçirib.
ASC-dən Xeberle.com-a bildirilib ki,
tədbir iştirakçıları Çernobıl Əlilləri İttifaqı İctimai Birliyinin Sumqayıt şəhərində
yaşayan 40-dək üzvünün ailəsinə baş çəkərək korporasiyanın bayram hədiyyələrini
onlara təqdim ediblər.
Xeyriyyə aksiyasının keçirilməsində
məqsəd Çernobıl qəzasında zərər çəkmiş, sağlamlığını itirmiş bu insanların ailələrinə
maddi və mənəvi dəstək olmaq, onlara bayram sevinci bəxş etməkdir.
Qeyd edək ki, ölkə rəhbərliyinin
sosialyönümlü siyasəti nəticəsində Çernobıl qəzasının ləğvində iştirak etmiş şəxslərin
sosial müdafiəsinin təmin edilməsi, reabilitasiyası, müalicəsi ilə əlaqədar
kifayət qədər işlər görülüb və bu qəbildən olan insanların sosial rifahı daim
ölkə başçısının diqqətindədir.
Xəbərdən istifadə edərkən istinad etmək vacibdir.
