Sumqayıt Avtomobil Nəqliyyatı ilə Sərnişindaşıma İdarəsi tərəfindən yeni növ koronavirus infeksiyasının yayılmasına qarşı ölkəmizdə həyata keçirilən sosial izolyasiya tədbirlərinə dəstək olaraq nəcib aksiya təşkil olunub.
Bu barədə Xeberle.com-a məlumat verən idarə rəisi Tofiq Saydumov bildirib ki, Sumqayıt Avtomobil Nəqliyyatı ilə Sərnişindaşıma İdarəsi əməkdaşları tərəfindən şəhərdə fəaliyyətdə olan nəqliyyat vasitələrində maskasız olan sərnişinlərə tibbi maska paylanıb. Həmçinin vətəndaşlara bir daha gigiyena qaydalarına riayət olunmasının əhəmiyyəti çatdırılıb, özlərinin və yaxınlarının müəyyən edilmiş qayda və tövsiyələrə əməl edərək sağlamlıqlarını qorumalarının vacibliyi xatırlanıb. İctimai nəqliyyatda tibbi maskadan mütləq şəkildə istifadə edilməsi tövsiyyə edilib. Həmçinin, avtobuslarda quraşdırılmış əl dezikfantları yoxlanılıb.
Aksiya çərçivəsində ümumilikdə 2000-dən çox sərnişinə tibbi maska paylanılıb.
Xədicə Səxavətqızı
Xəbərdən istifadə edərkən istinad etmək vacibdir.
