Bu barədə "The Guardian" məlumat yayıb
Böyük Britaniyanın "British Pertoleum” (BP) neft-qaz şirkəti dünya bazarında neftin qiymətinin kəskin ucuzlaşması səbəbindən gələn il yüzlərlə iş yerinin məcburi ixtisarına 1 mlrd. dollar sərf edəcək.
Bunu BP-nin prezidenti, baş icraçı direktoru Robert Dadli bildirib.
Onun sözlərinə görə, bu ixtisarlar şirkətin ABŞ, Böyük Britaniya, Almaniya və Azərbaycan nümayəndəliklərinə də təsir edəcək.
Bununla belə, BP-nin rəhbəri bildirib ki, böyük ehtimalla ixtisarlar platformada işləyən işçilərə aid olmayacaq.
"BP-Azerbaijan” şirkətinin mətbuat xidmətinin rəhbəri Tamam Bayatlı bildirib ki, bu məsələyə qısa zamanda münasibət bildiriləcək: "Hazırda iclasdayam. Çıxan kimi, sizinlə əlaqə saxlayacam”. (168saat.com)
Xəbərdən istifadə edərkən istinad etmək vacibdir.
