Səudiyyə Ərəbistanın Səhiyyə naziri Tofiq ər-Rabia, Həcc və Ümrə naziri Məhəmməd Salih bin Tahir Benten mətbuat konfransı keçirərərk bu il keçirilən həcc ziyarətinin şərtlərini açıqlayıblar.
Xeberle.com xəbər verir ki, Səhiyyə naziri Rabia, bu il həcc ziyarətinin çox məhdud şəraitdə keçiriləcəyini və zəvvarların 10 min insandan az olacağını söyləyib.
Nazir zəvvarların yaş həddinin 65 yaşdan aşağı və heç bir xroniki xəstəliklərinin olmamasına diqqət yetiriləcəyini bildirib.
Rabia, zəvvarların əvvəlcə Covid-19 testindən keçəcəklərini və həcc ziyarətindən sonra 14 gün müddətində karantində qalmalı olduğunu da deyib.
Ziyarət zamanı zəvvarları tibbi personalın müşayiət edəcəyini bildirən nazir, təcili vəziyyət üçün Minada bir xəstəxana və bir sağlamlıq mərkəzinin ayrıldığını da bildirib.
Həcc və Ümrə naziri Məhəmməd Saleh bin Tahir Benten də ölkəsinin koronavirus pandemiyasına görə, xaricdən gələn zəvvarları qəbul etməyəcəyini açıqlayıb. Bundan əlavə o, ziyarətin sosial məsafəyə uyğun olaraq ediləcəyini vurğulayıb.
Xəbərdən istifadə edərkən istinad etmək vacibdir.