Koronavirus (COVID-19) infeksiyasının yayılmasının qarşısının alınması məqsədilə sərt karantin rejiminin tətbiq edildiyi Sumqayıt şəhərinin giriş və çıxışlarında quraşdırılmış xüsusi postlarda polis əməkdaşları və Daxili Qoşunların hərbi qulluqçuları tərəfindən nəzarət-profilaktiki yoxlamalar aparılması davam edir.
Xeberle.com-un məlumatına görə, bu məqsədlə Sumqayıt şəhərinin giriş və çıxışlarında 2 stasionar dayanıqlı post quraşdırılıb. Şəhər daxilində isə 170 post quraşdırılıb və 284 nəfər xidmətə cəlb olunub. Eləcə də qeyd olunan şəhər üzrə yaradılmış PPX birgə qrupları tərəfindən karantin rejimi tətbiq olunandan bu günə qədər ümumilkdə 9516 nəfər barəsində İnzibati Xətalar Məcəlləsinin 211-ci maddəsi ilə inzibati protokollar yazılaraq cərimələr tətbiq olunub.
14 dekabr 2020-ci il tarixindən, son sərtləşdirilmiş karantin müddəti ərzində isə 500-ə yaxın protokol tərtib olunub.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
