"Təbii ki, ilkin mərhələdə üstünlük məhz Qarabağdan olan məcburi köçkün və qaçqın statusuna malik olan həmvətənlərimizdən gedir. Çünki onlar orada öz mülkiyyətlərini itiriblər".
Xeberle.com xəbər verir ki, bunu "Qaçqınkom"un sədr müavini Fuad Hüseynov Yeni TV-yə müsahibəsində məcburi köçkün və qaçqın statusu olmayan digər vətəndaşlarımızın işğaldan azad edilmiş torpaqlarda mülk ala bilməsi sualına cavab verərkən deyib.
O qeyd edib ki, onların fundamental insan hüquqları kobud şəkildə erməni işğalı nəticəsində pozulub: "Təbii ki, gələcəkdə daimi məskunlaşma yekunlaşdıqdan sonra hər bir ölkə vətəndaşımızın ölkəmizin müxtəlif şəhər və rayonlarında mülkiyyət əldə etmək hüququ var. Bu, danılmazdır".
Xəbərdən istifadə edərkən istinad etmək vacibdir.
