Xəbər verdiyimiz kimi, Sumqayıt şəhər bələdiyyəsinin sədri
Sultan Əsədov vəzifəsindən istefa verib.
2016-cı ilin aprel ayından Sumqayıt bələdiyyəsinin sədri olan
Sultan Əsədov Xeberle.com-a açıqlamasında vəzifəsindən istefa verdiyini
təsdiqləyib. O, sədrliyindən getməsini belə əsaslandırıb: "Sədr vəzifəsindən
səhhətimdə yaranan problemlərlə bağlı istefa verəsi oldum. Müalicəyə ehtiyacım
var. Bilmək olmaz, müalicədən sonra yenidən qayıdıb bəlkə elə mən seçilərəm
sədrliyə. Sədrlik vəzifəsi onsuz da boşdur”.
Sədr vəzifəsi müvəqqəti olaraq bələdiyyənin sədr müavini Sərviz
Süleymanova tapşırılıb.
Qeyd edək ki, Sumqayıt şəhər bələdiyyəsinin 19 üzvü var.
Onlardan biri, sədr müavini olan Musa Həsənov bu yaxınlarda koronavirusdan
dünyasını dəyişib.
Xədicə Səxavətqızı
Xəbərdən istifadə edərkən istinad etmək vacibdir.
