Sumqayıt şəhərində Vətən müharibəsi şəhidi mayor Ramil Ağayevin xatirəsi əbədiləşdirilib.
Xeberle.com-un məlumatına görə, şəhidin yaşadığı binanın qarşısında onun adı verilmiş bulaq istifadəyə verilib.
Bu gün həmin bulağın açılışı olub. Açılış mərasimində çıxış edənlər şəhid Ramil Ağayevin şücaəti və keçdiyi döyüş yolundan danışıblar.
Bildirilib
ki, o, Cəbrayıl rayonunun alınmasında fəal iştirak edib, döyüşlərdə
düşmənə məxsus 12 tankı və digər texnikaları ələ keçirib. Füzuli
istiqamətində gedən döyüşlərdə isə yaralı yoldaşlarını döyüş meydanından
çıxararkən şəhidlik zirvəsinə yüksəlib.
O, ölümündən sonra "Vətən uğrunda” və "Cəbrayılın azad olunmasına görə” medalları ilə təltif edilib.
Qeyd edək ki, mayor Ramil Ağayev öz vəsiyyəti ilə doğulub boya-başa çatdığı Lerik rayonunda dəfn edilib.
Xəbərdən istifadə edərkən istinad etmək vacibdir.
