"Bu il ərzində 169 binanın zirzəmisinin suyu çəkilib və kanalizasiya xətti yenilənib. 260 və 132 metr ərazidə 100-150 metr diametrli borularla su çəkilib. 80 metr su xətti isə zirzəmilərdə yenilənib".
Xeberle.com-un məlumatına görə, bu barədə Sumqayıt Sukanal İdarəsinin rəisi Mahir İmanov yerli televiziyaya açıqlamasında bildirib. Onun sözlərinə görə, istismar müddəti bitmiş su xətləri yenilənir: "Gələcəkdə bütün şəhər ərazisinin 24 saat fasiləsiz su ilə təmin olunması üçün işlər aparılır".
M. İmanov qeyd edib ki, 1949-cu ildə inşa olunan və tez-tez qəzalar baş verən 1200 millimetr diametrli kanalizasiya xəttinin köçürülməsi işi uğurla həyata keçirilir. Uzunluğu 1600 metr olan xəttin artıq 1200 metri çəkilib, qalan hissə isə yaxın müddətdə yekunlaşacaq.
Xədicə Səxavətqızı
Xəbərdən istifadə edərkən istinad etmək vacibdir.
