Yaşasaydı bu gün 26 yaşı olacaqdı. Söhbət 44 günlük Vətən müharibəsində şəhidlik zirvəsinə ucalan Elnur Allahverdiyevdən gedir.
Xeberle.com xəbər
verir ki, şəhidin doğum günü onun Sumqayıt Şəhidlər Xiyabanında olan
məzarı başında qeyd edililib. Şəhidimizin ruhuna dualar oxunub,
xatirəsi yad edilib.
Anım tədbirində şəhidin yaxınları, ictimaiyyət nümayəndələri iştirak ediblər.
Qeyd
edək ki, Allahverdizadə Elnur Əli oğlu 15.05.1995 -ci il tarixində
Sumqayıt şəhərində doğulub.2012-ci ildə Sumqayıt şəhəri 41 saylı məktəbi
bitirib və elə həmin il — 2012 -ci ildə Bakı Slavyan Universitetinin
«Tərcümə» fakültəsini «Çex — Azərbaycan dili tərcüməçiliyi» ixtisası
üzrə bitirib. 2016 -cı ildə ali təhsilini başa vuraraq hərbi xidmətə
yollanıb. 2016-2017 — ci illərdə Milli Ordu sıralarında artilleriya
ixtisası üzrə vətənə xidmət edib. «Vətən müharibəsi» başlayarkən
Sumqayıt Səfərbərlik Komissarlığının əmri ilə Sentyabrın 29-u yurdumuzu
müdafiəyə yolllanıb. Elnur Allahverdizadə hərbi xidmətdə artilleriyada
olduğundan müharibədə də elə həmin mövqedə döyüşüb — topçu olub.
Otyabrın 4-dən aktiv döyüşlərdə olan qardaşım əsasən Ağcabədinin
Qiyaməddinli kəndində döyüşsə də , lazımı hallarda ətraf rayonlarda da
— Xocavənd, Ağdam bölgələrində düşmənə qarşı vuruşub. Allahverdizadə
Elnur Əli oğlu 7 noyabr tarxində Ağcabədinin Qiyaməddinli kəndində
düşmənin atəş açdığı torlu top qəlpəsinin boğazına tuş gəlməsi
nəticəsində şəhidliyə yüksəlib. 8 Noyabr tarixində Sumqayıt Şəhidlər
Xiyabanında torpağa tapşırılıb. Elnur səs rejissoru kimi fəaliyyət
göstərirdi. "Barama", "Atılmışlar" serialları, "Son iclas" sənədli
filmi, saysız-hesabsız reklamların səs rejissoru olub. "Bozbash
pictures"lə birgə çalışıb. "Picmus production"un əməkdaşı olub. Bir çox
seriallara səs rejissorluğu edib. Şəhid Allahverdizadə Elnur Əli oğlu
şəhadətindən sonra, «Vətən uğrunda», «Ağdamın azad olunmasına görə»,
«Xocavəndin azad olunmasına görə», medalı, «Şücaətə görə» və «Döyüşdə
fərqlanməyə görə» medalı ilə təltif edilib.
Xəbərdən istifadə edərkən istinad etmək vacibdir.
