İlk öncə torpaqlarımızın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilmişdir. Yarışın məqsədi Azərbaycan gəncliyi 2017-2021-ci illərdə Dövlət Proqramından irəli gələn məsələlərin həlli, Ali Baş Komandan cənab İlham Əliyevin rəhbərliyi ilə tarixə qızıl hərflərlə yazılmış 44 günlük Qarabağ Vətən müharibəsinin, şəhid general-mayor Polad Həşimovun şərəfli döyüş yolunun, Azərbaycan tarixinin, ordu quruculuğunun və mədəniyyətinin təbliği, eləcə də gənclərin bilik və bacarıqlarının üzə çıxarılması, intellektual səviyyəsini, dünya görüşünü və zehni inkişafını stimullaşdırmaqdır.

Yarışda Sumqayıt və Bakı Regional Asan Xidmət Mərkəzlərini, habelə Sumqayıt şəhərinin müxtəlif sahələrini təmsil edən gənclər təşkilatlarından ibarət hər birində 3 oyunçu olmaqla 10 komanda, ümumilikdə isə 30 nəfər iştirakçı öz bilik və bacarıqlarını sınamışlar. Gərgin və maraqlı şəraitdə keçən yarışın sonunda I yerə 1 saylı Asan Xidmət Mərkəzinin "Şuşa”, II yerə Sumqayıt Gənclər Klubunun eyni adlı, III yerə isə Sumqayıt Regional "ASAN xidmət” mərkəzinin "Polad” komandası layiq görülmüşdür.

Qaliblərə Baş İdarənin və Sumqayıt Regional "ASAN xidmət” mərkəzinin kubok, medal, fəxri fərman və hədiyyələri təqdim edilmişdir.

Qeyd edək ki, cari ilin 06-23 iyul tarixlərində keçiriləcək silsilə xarakterli tədbirlərin növbəti mərhələlərində həmçinin şahmat, futbol, basketbol və voleybol idman növləri üzrə yarışların da təşkili nəzərdə tutulur.