Beyləqan rayonunda Azərbaycan Respublikası Prezidenti yanında Gənclər Fondunun dəstəyi ilə "Sağlam Həyat Naminə” layihəsi həyata keçirilib. Tədbirdə Beyləqan rayon İcra Hakimiyyətinin, Gənclər və İdman Baş İdarəsinin nümayəndələri və şəhərin ictimai fəal gəncləri iştirak edib. Layihənin rəhbəri Bəxtiyar Məmmədov çıxışında bildirib ki, layihənin əsas məqsədi nakomaniyaya qarşı mübarizə və sağlam yaşam tərzi ilə bağlı gənclər arasında mütəmadi olaraq maarifləndirmə işini aparmaqdır. O qeyd edib ki, son illərdə ölkəmizdə həyata keçirilən gənclər siyasətinin əsas hədəfi gənclərin sağlam böyüməsi və bununla bağlı təbliğat işlərinin aparılmasıdır. Beyləqan rayon Gənclər və İdman Baş İdarəsinin nümayəndəsi Oruc Vəliyev dünyada narkomaniya əleyhinə böyük mübarizənin aparıldığını qeyd edərək vurğulayıb ki, ölkəmiz də bu bəla ilə mübarizədə ciddi işlər görür. Narkomaniya kimi bəlaya qarşı mübarizə aparmaq üçün ictimaiyyətin səyinin birləşdirilməsinin vacib olduğunu deyən O.Vəliyev gənclərin sağlam böyüməsinin çox önəmli olduğunu vurğulayıb.

Layihə çərçivəsində Masallı, Beyləqan rayonlarında və Lənkəran şəhərində yaşayan gənclər arasında bu yöndə təbliğatın daha effektli qurluması üçün təkliflər hazırlanacaq.

Xeberle.com