Jurnal barədə ətraflı məlumat verilib.

Yanvarın 21-də Azərbaycan Milli Elmlər Akademiyasının Akad. H.Əliyev adına Coğrafiya İnstitutunda "National Geographic Azərbaycan” jurnalının təqdimatı keçirilib.

Jurnalın baş redaktoru Seymur Teymurov Coğrafiya İnstitutunun direktoru, AMEA-nın həqiqi üzvü, texnika elmləri doktoru, professor Ramiz Məmmədov başda olmaqla, institutun elmi heyətinə ABŞ-ın Milli Coğrafiya Cəmiyyəti və onun rəsmi nəşri olan "National Geographic” barədə ətraflı məlumat verdi.

Bütün dünyada, eləcə də Azərbaycanda böyük nüfuz qazanmış bu jurnalın təqdimatı alimlər tərəfindən hədsiz maraqla qarşılandı. Baş redaktor Seymur Teymurov iştirakçıların çoxsaylı suallarını cavablandıraraq onlara dərginin nüsxələrini təqdim etdi.   

"National Geographic Azərbaycan” jurnalı Garant Media Holding tərəfindən nəşr olunur. Jurnala abunə olmaq üçün 012 563 56 25 nömrəsi ilə əlaqə saxlaya bilərsiniz.

 

 

 

 

 

(oxu.az)