Sumqayıt şəhər Gənclər və İdman Baş İdarəsi tərəfindən Nəsimi adına mədəniyyət və istirahət parkında "12 Avqust – Beynəlxalq Gənclər Günü” münasibətilə rəsm sərgisi keçirilmişdir.
Açıq səma altında mövcud pandemiya qaydalarına uyğun olaraq təşkil olunan sərgidə 20-yə yaxın müəllif öz əl işlərini nümayiş etdirmişdir.
Əvvəlcə qonaqlar sərgiyə baxış keçirmiş, müəlliflərin fikirləri ilə tanış olmuşlar.
Tədbirdə çıxış edən Baş İdarənin rəis müavini Rüfət Mahmudzadə iştirakçıları Beynəlxalq Gənclər Günü münasibətilə təbrik etmiş, ölkəmizdə və şəhərdə uğurla həyata keçirilən dövlət gənclər siyasətindən danışmış, sərginin istedadlı və yaradıcı gəncləri aşkara çıxarmaq, qabiliyyətlərini nümayiş etdirə bilmələri üçün şərait yaratmaq, asudə vaxtlarını səmərəli təşkil etmək məqsədilə keçirildiyini qeyd etmişdir.
Sonda sərgidə fəal iştiraklarına görə gənc rəssamlar Baş İdarənin Fəxri Fərman və hədiyyələri ilə təltif edilmişlər.
Xəbərdən istifadə edərkən istinad etmək vacibdir.
