Sumqayıt şəhərində Böyük Qələbə ilə başa çatan 44 günlük Vətən müharibəsində şəhidlik zirvəsinə ucalan Şəhidimiz Azərbaycan Silahlı Qüvvələrinin əsgəri İsmayılov Elvin Arif oğlunun anım günüdür. Şəhidimizi böyük qürur və ehtiram hissi ilə yad edirik. Elvin İsmayılov 28.03.2002-ciil də dünyaya gəlmiş, 2-ci Qarabağ müharibəsində 2.10.2020-ci ildə Fizuli istiqamətində gedən döyüşlərdə qəhrəmancasına vuruşaraq şəhid olmuş və Sumqayıt Şəhidlər xiyabanında dəfn olunmuşdur. 

Sumqayıt şəhərindən seçilmiş Milli Məclisin deputatı Hicran xanım Hüseynovanın nümayəndəsi Sumqayıt şəhər Şəhidlər Xiyabanına gedərək şəhidimiz İsmayılov Elvin Arif oğlunun məzarı üzrə gül dəstələri qoyaraq şəhidin xatirəsini yad edib.

Millət vəkili Hicran Hüseynova şəhidimizə Allahdan rəhmət diləyib, ruhu qarşısında qürur və ehtiram hissi ilə baş əydiyini bildirib. Həmçinin şəhidimizin ailəsinə dərin hüzünlə baş sağlığı verdiyini və şəhidimizlə bütün Azərbaycanın qürur duyduğunu bildirir. Bugünümüzü onlara borcluyuq, şəhid və qazi ailələrinin hər zaman yanında olacaqlarını bildiriblər.