Tovuzlu gənc xanım qeyri-adi bacarığı ilə fərqlənir.
 26 yaşlı qız gün ərzində oxuyub bitirdiyi kitabların sayı ilə hamıdan fərqlənir. "Kitablara etibar edin - onlar sizə ən yaxın dostlardır”, - deyən Rübabə Qasımova gününün çox hissəsini kitabxanada keçirir. 15 ildən artıqdır ki, fasiləsiz mütaliə edən Tovuz sakini bu günə qədər 5 minə yaxın kitab oxuyub. Oxuduqca kitablara qarşı marağı və sevgisi artan R.Qasımova sürətli oxumağa da vərdiş edib. Elə bunun üçün də gün ərzində 2-3 kitabı oxuyub bitirir.Yaşadığı mənzili də demək olar ki, kitabxanaya çevirən Tovuz sakini kitablara xərclədiyi pul üçün heç vaxt heyifsilənmir.O deyir ki, hər bir müəllif oxucunun həmsöhbətidir. Bu baxımdan nə qədər çox oxusaq, o qədər də insan tanıyarıq.  (trend)