Kollektiv şəhidimizin məzarını ziyarət edərək üzərinə tər qərənfillər düzmüş, ailənin qayğıları ilə maraqlanmışdır.

Şəhidin il mərasimi idarə tərəfindən təşkil edilmişdir. Qeyd edək ki, İkinci Qarabağ müharibəsinin qəhrəmanı Elməddin Hümbət oğlu Cəfərov 21 sentyabr 1987-ci ildə Xızı rayonunun Şorabad qəsəbəsində dünyaya göz açıb. İlk təhsilinə Məmməd Arif Dadaşzadə adına tam orta məktəbdə başlayıb. 2005-ci ilin payızında Milli Ordumuzun sıralarına müddətli həqiqi hərbi xidmətə çağırılaraq Gəncə şəhərində "N" saylı hərbi hissədə xidmət edib. 2016-ci il Aprel döyüşlərində fəal iştirak edib. 2017-ci ildən təyinatı Müşfiq qəsəbəsində yerləşən "N" saylı hərbi hissəyə verilib. Elə həmin hərbi hissədən də 27.09.2020-ci ildə Ali Baş Komandanın əmri ilə torpaqlarımızın işğaldan azad olunması uğrunda başladılan Vətən müharibəsində iştirak edib.

Elməddin döyüşlər başlayan ilk gündən ön cəbhədə vuruşub, 8 oktyabr tarixində şəhidlik zirvəsinə yüksəlib.

Ölümündən sonra Azərbaycan Respublikasının Prezidenti cənab İlham Əliyevin müvafiq sərəncamlarına əsasən "Cəbrayılın azad olunmasına görə", "Suqovuşanın azad olunmasına görə" və "Xocavəndin azad olunmasına görə" medalları ilə təltif edilib.

Allah rəhmət eləsin!