Sumqayıt şəhər 11 nömrəli tam orta məktəbdə "Narkomaniyaya yox deyək, Ağ ölümə qarşı mübarizə" adlı tədbir keçirilib.
Öncə şəhidlərimizin şəkillərinin olduğu portretlərə baxış keçirilib. Sumqayıt şəhər Polis idarəsinin rəisi Fəqan Azadəliyevin, Sumqayıt şəhər Təhsil şöbəsinin metodisti Cəmilə Fəyyazın, Sumqayıt şəhər Gənclər və İdman Baş İdarəsinin, Sumqayıt Narkoloji dispanserinin nümayəndələri iştirak ediblər.
Digər bir tədbir isə Sumqayıt Dövlət Universitetində keçirilib. "İnsan alverinə qarşı mübarizə” mövzusuna həsr olunan maarifləndirici tədbiri giriş sözü ilə açan universitetin prorektoru, Ramiz Hüseynov belə tədbirlərin təşkilində əsas məqsədin ümumbəşəri problem olan insan alverinə qarşı mübarizə məqsədilə maarifləndirmə işlərinin aparılmasının vacibliyi və əhəmiyyəti haqqında danışıb. Sumqayıt şəhər Polis idarəsinin rəis müavini, polis polkovnik-leytenantı Anar Əliyev Azərbaycanda insan alverinə qarşı mübarizə sahəsində dövlət tərəfindən genişmiqyaslı tədbirlərin həyata keçirildiyini diqqətə çatdırıb, gənclərimizi hər zaman ayıq-sayıq olmağa, istismara məruz qalmamağa, bu təhlükədən uzaq olmağa çağırıb.
Daha ətraflı videoda:
Xəbərdən istifadə edərkən istinad etmək vacibdir.
