Sumqayıt şəhərində koronavirus xəstələri ictimai yerlərdə aşkar edilərək saxlanılıblar.
Xeberle.com xəbər verir ki, Sumqayıt Şəhər Polis İdarəsinin əməkdaşları tərəfindən şəhər ərazisində 2 nəfər aktiv koronavirus xəstəsi ictimai yerlərdə aşkar edilib.
Müəyyən olunub ki, saxlanılan şəxslər Sumqayıt şəhər sakinləri Anar Nuriyev və Rövşən Hüseynovdur. Polis əməkdaşları onlarla izahedici söhbətlər aparıb, tibbi prosedurları gözləməklə həmin şəxslər yaşadıqları evə qaytarılıblar. Bu barədə müvafiq səhiyyə qurumları məlumatlandırılıb.
Özünütəcrid qaydalarını pozan koronavirus daşıyıcıları barəsində polis orqanları tərəfindən bundan sonra da ciddi tədbirlər görüləcək.
Qeyd edək ki, ötən gündə 2 nəfər koronavirus xəstəsi ictimai yerdə saxlanılıb.
Bununla son 2 gündə Sumqayıtda yaşayış yerini tərk edən 4 koronavirus xəstəsi müəyyən edilib.
Xəbərdən istifadə edərkən istinad etmək vacibdir.
