Sumqayıt Dövlət Rəsm Qalereyasında mövcud pandemiya qaydalarına uyğun olaraq şəhər Gənclər və İdman Baş İdarəsi və Rəsm Qalereyasının birgə təşkilatçılığı ilə şəhər Polis idarəsi, Narkoloji Dispanser və Təhsil Şöbəsinin iştirakı ilə "Sumqayıt Narkomaniyaya Yox Deyir” adlı gənclərin əl işlərindən ibarət rəsm sərgisi keçirilmişdir.
Məqsəd yeniyetmə və gəncləri sağlam həyat tərzinə təşviq etmək, narkomaniya, tütün, alkoqol və digər psixatrop maddələrin mənfi təsiri ilə bağlı bilikləndirmək,istedadlı və yaradıcı gənclərin bacarıqlarını üzə çıxartmaq və dəstəkləməkdir.
Sərgidə rəssamlar narkomaniyanın törətdiyi fəsadları əsərlərində nümayiş etdirərək gəncləri bəşəriyyət üçün ən böyük bəladan uzaq olmağa səsləmişlər.
Sonda gənc rəssamlara sərgidə fəal iştiraklarına görə sertifikatlar təqdim edilmişdir.
Xəbərdən istifadə edərkən istinad etmək vacibdir.
