Xeberle.com xəbər verir ki,  Qubadlı rayon İcra Hakimiyyətinin və Yeni Azərbaycan Partiyasının Qubadlı rayon təşkilatının birgə təşkilatçılığı ilə Sumqayıt şəhər, Hacı Zeynalabdin Tağıyev qəsəbəsində yerləşən məcburi köçkünlərin məskunlaşdığı şəhərcikdə binanın qarşısında 28.06.2021-ci il tarixində Laçın rayonu ərazisində xidməti vəzifələrini yerinə yetirərkən "Kamaz" markalı hərbi yük avtomobilinin qəzaya uğraması nəticəsində şəhid olmuş Azərbaycan Ordusunun müddətdən artıq hərbi qulluqçuları Orxan Rəhimli və Coşqun Zeynallının xatirəsinə həsr olunmuş bulağın açılışı olub.  

Tədbir iştirakçıları əvvəlcə torpaqlarımızın bütövlüyü uğrunda canından keçmiş vətən oğullarının xatirəsini bir dəqiqəlik sükutla yad ediblər.  Sonra vətənpərvərlik mövzusunda və şəhidlərimizin ruhuna həsr olunmuş şeirlər səsləndirilib.

Çıxış edənlər Azərbaycan ordusunun əldə etdiyi zəfərdən, göstərdiyi şücaətdən geniş bəhs ediblər. 

Sonra çıxış edən şəhidlərin döyüş yoldaşları onlarla bağlı xatirələrini bölüşüblər.