Xeberle.com xəbər verir ki, Sumqayıtda fəaliyyət göstərən "Panda School” Məktəbəqədər Hazırlıq Mərkəzi  fəaliyyətini genişləndirir. Belə ki, ötən gün  mərkəzin Qusar filialının açılış mərasimi keçirilib.
Açılışda Qusar rayon İcra Hakimiyyətinin, Heydər Əliyev Mərkəzinin YAP Qusar rayon təşkilatının və digər orqanların nümayəndələri iştirak ediblər. Tədbirdə çıxış edən "Panda School” Məktəbəqədər Hazırlıq Mərkəzinin  Qusar filialının  direktoru Kamran Tahirov rəhbərlik etdiyi təhsil müəssisəsinin  rayonda azyaşlı uşaqların intellektual potensialının üzə çıxarılmasında böyük rol oynayacağına əminliyini ifadə edib. "Panda School” Məktəbəqədər Hazırlıq Mərkəzinin  təsisçisi və direktoru Elvin Dadaşov Qusar rayonunun vətəndaşlarını bu cür müasir hazırlıq mərkəzinə malik olmaları münasibətilə təbrik edib. O, qeyd edib ki, "Panda School” Məktəbəqədər Hazırlıq Mərkəzlərinin  məqsədi  azyaşlı Azərbaycan övladlarını dahi kimi yetişdirmək, vətənimizi elmi potensialı ilə dünyada tanıtmaqdır.Xatırladaq  ki, "Panda School” Məktəbəqədər Hazırlıq Mərkəzi 2014-cü ilin sentyabrından Sumqayıtda fəaliyyətə başlayıb. Həmin ilin dekabrında isə Sumqayıt şəhərində "Panda School "Əsas Mərkəzinin əsası qoyulub. Bu mərkəzlər başlıca olaraq məktəbəqədər tədrislə məşğuldur. Bundan başqa 4-6 yaşlı uşaqlar və məktəblilər üçün TİAMO Mental Aritmetik Sürətli Hesablama proqramı, ingilis və rus dilləri danışıq kursları, "Məktəblilərin gündəlik dərslərə hazırlığı”, komputer kursları və rəssamlıq dərnəyi təşkil olunub.
Yeni açılmış "Panda School” Qusar filialına bağça yaşlı uşaqların, eləcə də məktəblilərin qəbulu davam edir.
Ünvan: Quba-Qusar yolu. Mərkəzi Xəstəxəna ilə üzbəüz.
Əlaqə telefonu: 0503357701, 0703357701