Arı məhsullarının hamısı zəngin şəfa xəzinəsidir. "Ana Təbiət” Natural Gigiyena mərkəzinin 
rəhbəri Ərşad Əzimzadə deyir ki,el arasında "arı çörəyi", "güləm" (rusca "perqa") adlandırılan məhsulun misli-bərabəri yoxdur. 
”Təkcə onu demək kifayətdir ki, dünyaya təzəcə göz açan körpə arılar bir müddət "arı çörəyi" ilə qidalanır. Bununla da sağlam arı ailəsinin möhkəm təməli qoyulmuş olur. 
Onun sözlərinə görə, özündə bal, "çiçək tozu" və "arı çörəyi" kimi şəfa xəzinəsini birləşdirən "arı çörəyi" insan orqanizmi üçün olduqca vacib olan təbii vitaminlərin, üzvi duzların, turşuların və digər dəyərli elementlərin, əsasən də, başqa qidalarda az tapılan E və D vitaminlərinin zənginliyi ilə diqqəti çəkir. 
”Bu dəyərli üçlük ürəyi və beyini qidalandırır, qaraciyərin fəaliyyətini gücləndirir, patensiyanı artırır, qadın və kişi toxumunun keyfiyyətinə və kəmiyyətinə müsbət təsir göstərir, sonsuzluğu aradan qaldırır, uşaqların boy artımına müsbət təsir göstərir, əqli və fiziki inkişafı təmin edir, piylənmənin qarşısını alır, bütövlükdə orqanizmin immun sistemini və müqavimətini gücləndirir. 
Heç təsadüfi deyil ki, "arı çörəyi" kosmonavtlar üçün tərtib olunan menyuda əsas və aparıcı qida kimi yer tutur və əvəzsiz "kosmonavt qidası" sayılır”.(modern.az)