Ermənistanın Spitak adlanan şəhəri ərazisində 1988-ci il fevralın 7-də güclü zəlzələnin nəticələrini aradan qaldırmaq üçün azərbaycankı könüllülər olan təyyarə bu ölkə ərazisində qəzaya uğrayib.

Qəza nəticəsində İL-76 təyyarəsində olan 78 azərbaycanlı könüllü həlak olub. Ermənistanın hava məkanında Azərbaycan təyyarəsinin qəzaya uğramasının səbəbləri sonralar araşdırılanda məlum olub ki, fəlakətdən ziyan çəkən ermənilərə ilk yardım əlini uzatmağa can atmış Azərbaycan könüllüləri olan təyyarə Spitak rayonunun Quqark şəhərinin yaxınlığında ermənilər tərəfindən "Stinqer" raketi ilə vurulub. 77 nəfərin olduğu təyyarədən yalnız bir nəfər sağ qalıb. Həmin gün erməni terrorçuları Yuqoslaviyanın An-12 təyyarəsini də Türkiyəyə məxsus olduğunu düşünərək vurublar.

Ermənistan rəhbərliyi və ictimayyət tərəfindən hər il keçirilən zəlzələ qurbanlarını anma mərasimi, azərbaycanlıların yaddaşına erməni cinayyətkarlığının başqa bir forması kimi həkk olunub.

Zəlzələdən fürsət kimi istifadə edən ermənilər isə yardım adı altında başda Fransa olmaqla xarişdən təyyarələr dolusu silah, sursat gətirərək sürətlə silahlanmaya başlayıb və öz elindən –obasından didərgin saldıqları 200 min azərbaycanlı köçkünün arxasınca Qarabağdakı işğal planlarını həyata keçirməyə başlayıblar. Beləcə, Spitak zəlzələsi müasir Azərbaycan tarixinə fəlakətin, qətliamların, zülmün başlanğıcı olaraq girib.

Bununla belə, Azərbaycan yenə də Ermənistana kömək edib, dəmiryolu vasitəsi ilə bölgəyə tonlarla neft, yanacaq, çadırlar və geyim göndərərk "zərərçəkmişlərin" qışı donmadan keçirmələrinə yardım göstərib.

Ermənilər isə bu yardımın əvəzini 1 milyondan çox insanı qaçqın vəziyyətinə salmaqla, qonşu Azərbaycan torpaqlarını işğal etməklə, 40 mindən çox azərbaycanlını şəhid etməklə "ödəyiblər". (interaztv.com)