Suriyada döyüşlərdə iştirak etməkdə şübhəli bilinən daha bir Azərbaycan vətəndaşı həbs edilib.
Milli Təhlükəsizlik Nazirliyi (MTN) əməkdaşlarının həyata keçirdikləri əməliyyat tədbirləri nəticəsində Zərdab rayon sakini, 1995-ci il təvəllüdlü Mikayılov Rövşən Baba oğlu saxlanılıb.
Onun barəsində Cinayət Məcəlləsinin 274-cü (dövlətə xəyanət) maddəsi ilə cinayət işi başlanılıb. Hazırda iş üzrə istintaq hərəkətləri davam etdirilir.
Qeyd edək ki, bundan əvvəl Milli Təhlükəsizlik Nazirliyinin əməkdaşları tərəfindən Suriyada döyüşlərdə iştirak etməkdə şübhəli bilinən 26 nəfər tutulub.(apa.az)
Xəbərdən istifadə edərkən istinad etmək vacibdir.
