Sumqayıt rəhbərliyi şəhərin mərkəzi küçələrində yol kənarında olan binaların pəncərələrinin ağ rəngdə olması barədə tapşırıq verib. 
Bu barədə şəhər sakinləri məlumat verib. 
Məlumata əsasən yol kənarında olan binalarda rəngli pəncərələr sökülərək ağ rəngli pəncərələrlə əvəz ediləcək. Bildirilib ki, fərqli rəngdə olan pəncərələr mütləq şəkildə dəyişdirilməlidir. Bina sakinlərinə pəncərələri öz hesablarına dəyişdirilməsi tapşırılıb.
Bu işə nəzarət isə mənzil istismar sahələrinə tapşırılıb. Hər mənzil istismar sahəsi öz ərazisində sakinləri məsələ ilə bağlı xəbərdarlıq edir. 
Xatırladaq ki, daha əvvəl şəhər rəhbərliyi səviyyəsində Sumqayıtda binaların küçəyə tərəf hissəsində paltar sərilməsi də qadağan olunub (azvision.az)