Sumqayıt Regional Mədəniyyət İdarəsinə tabeli Nizami Gəncəvi adına Kitabxana Klubun əməkdaşları şəhid ailəsinə baş çəkib, ailənin qayğıları ilə maraqlanıb.
Şəhid Müşfiq Abbas oğlu Bəktiyev Sumqayıt şəhər Corat qəsəbəsində 2002-ci il yanvarın 24-də anadan olub. 2008-ci ildə Sumqayıt şəhər Corat qəsəbəsində 7 nömrəli tam orta məktəbdə təhsilə başlayıb. Sonra təhsilini 10 saylı peşə liseyində elektrik qaz qaynaqçısı olaraq davam etdirib. Lakin o, təhsilini yarımçıq qoyaraq 2020-ci il yanvarın 27-də Qusar rayonunda hərbi xidmətə yollanıb.
2020-ci il sentyabrın 27-də ikinci Qarabağ muharibəsi başladıqda o da döyüş yoldaşları ilə birlikdə döyüşlərə qatılıb. Şəhidimiz Füzuli, Cəbrayıl uğrunda gedən döyüşlərdə istirak edib. 2020-ci il oktyabrın 20-də Xocavənd istiqamətində gedən döyüşlərdə qəhrəmancasına şəhidlik zirvəsinə yüksəlib. M.Bəktiyev ölümündən sonra Azərbaycan Respublikası Prezidentinin Sərəncamına əsasən "Xocavəndin azad olunmasına görə”, "Füzulinin azad olunmasına görə”, "Cəbrayılın azad olunmasına görə” və "Vətən uğrunda” medalları ilə təltif olunub.
Allah rəhmət eləsin!
Xəbərdən istifadə edərkən istinad etmək vacibdir.
