"Xocalıya Ədalət” beynəlxalq məlumat kampaniyası çərçivəsində bu faciəni törətmiş cinayətkarların hüquqi məsuliyyətə cəlb edilmləri üzrə petisiyaya start verilib.

Petisiyada Xocalıda baş verən kütləvi qırğının 53 ölkəni təmsil edən Parlament İttifaqı, yeddi ölkə parlamenti və ABŞ-ın 16 ştatının qanunverici orqanı tərəfindən "insanlığa qarşı cinayət” və "soyqırımı aktı” kimi tanındığı qeyd olunur.

Bu sənəddə son 100 il əvvəl baş vermiş hadisələrə istinad edən erməni lobbisi və onun maliyyələşdirdiyi təbliğatçıların Xocalı faciəsi haqqında həqiqətləri dünya ictimaiyyətindən gizlətmək cəhdləri xüsusilə vurğulanır.

Dünya liderlərinə, KİV-ə, bütün vicdanlı insanlara ünvanlanan bu petisiyada Xocalı faciəsini törətmiş şəxslərin cinayət məsuliyyətinə cəlb edilməyi və faciəni "insanlığa qarşı cinayət” və "soyqırımı aktı” kimi qiymətləndirilmək çağırışı edilir.

Petisiyanı imzalamaq istəyənlər bu keçidə daxil ola bilərlər. http://goo.gl/xbenPO

Məlumat üçün bildirək ki, "Xocalıya Ədalət” beynəlxalq məlumatlandırma kampaniyası 2009-cu ildə Heydər Əliyev Fondunun vitse-prezidenti, İKGF-nin Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə başlayıb. Bu kampaniya hazırda 50-dən artıq ölkədə həyata keçirilməkdədir.

Kampaniya nəticəsində dünyanın bir sıra ölkələrinin parlamentləri, həmçinin İslam Əməkdaşlıq Təşkilatı (İƏT) Xarici İşlər Nazirləri Şurası və İƏT Parlament İttifaqı tərəfindən Xocalı qətliamı soyqırımı aktı və insanlığa qarşı cinayət kimi tanınıb.  (interaztv.com)