Sumqayıt Regional Mədəniyyət İdarəsinin tabeliyində olan S.Rüstəmov adına 3 nömrəli uşaq incəsənət məktəbinin kollektivi şəhid Rahib Bəxtiyar oğlu Babayevin ailəsini ziyarət edib, qayğıları ilə maraqlanıblar. Şəhidin həyat yoldaşı Aygün xanım şəhidimizin keçdiyi şərəfli döyüş yolundan danışıb. Bildirib ki, şəhidin 18 illik xidmətinin 8 ili döyüş bölgəsi olan Murovda keçib.
R.Babayev Murov yüksəkliklərinin azad edilməsi uğrunda gedən döyüşlərdə qəhrəmancasına şəhidlik zirvəsinə yüksəlib.
Azərbaycan Respublikasının Prezidenti Ali Baş Komandan cənab İlham Əliyevin Sərəncamına əsasən, şəhidimiz ölümündən sonra "Azərbaycan bayrağı” ordeni, "Vətən uğrunda” və "Kəlbəcərin azad olunmasına görə” medalları ilə təltif olunub.
Allah şəhidlərimizə rəhmət eləsin!
Xəbərdən istifadə edərkən istinad etmək vacibdir.
