Xeberle.com portalına şikayət daxil olub. Şikayət edən şəxs öz adını göstərməsə də, konkret bir obyektin adını də çəkməyib, sadəcə bu sahəyə xüsusi diqqət, nəzarət edilməsinin vacibliyini vurğulayıb. Şikayəti olduğu kimi təqdim edirik.

Sürücülərin ən ağrılı yeri avtoservislərdə hökm sürən vəziyyətdir. İşini bilməyən qeyri-professional ustalar, saxta, keyfiyyətsiz ehtiyyat hissələri, yağlar və ən əsası keyfiyyətsiz xidmət. Hansı birini deyək?! Son bir il ərzində Bakı və Sumqayıt şəhərində fəaliyyət göstərən avtoservislərdə başıma gətirilənlərdən sonra maşınımı satmaq qərarına gəldim və satdım.
Amma bu problemin həlli deyil. Minlərlə sürücünün həyatı təhlükədə qalmaqda davam edir.
Avtomobilin keyfiyyətsiz təmiri kimlərinsə həyatına ciddi təhlükələr yarada bilər.
Hələ bu keyfiyyətsiz xidmətin qiymətlərindən danışmıram. Həm cibimiz, həm həyatımız təhlükədədir. Bu sahədə nəzarət olunmadığındandır ki, avtoservislərdə arxayın şəkildə vətəndaşlara məxsus maşınlar üzərində özlərinin təcrübələrini artırır, nəticədə insan həyatı ilə oynayırlar.

Xeberle.com