Altı aylıq Səməndəri xilas etmək üçün cəmi 20 min AZN lazımdır
İnsan elə insan olduğu üçün insanlara insanlığını göstərməlidir. İnsanlıq dedikdə ilk olaraq ağıla gələn keyfiyyətlərdən biri də mərhəmət göstərmək, yardım etməkdir. İndi başında şiş olan körpə Səməndərin bu köməyə çox ehtiyacı var. Onun sağalması üçün 20 min manat lazımdır.
Əslində, heç kəs problemlərdən, xəstəliklərdən sığortalanmayıb. Yardım edək ki, yardım görək. Düşünməyək ki, bu gün bizim verə biləcəyimiz 1-2 manat onun "yarasını sağaltmaz”, yaxud həmin böyük məbləği toplamaqda rol oynaya bilməz. Təbii ki, bu belə deyil. "Dama dama göl olar” deyib müdrik atalarımız. Mərhəmət göstərmək istəyən hər bir şəxsin üzərinə cəmi 1 manatlıq məsuliyyət düşür; bu, minimum bir kömək ola bilər.
Mərhəmət göstərmək də könüllü bir addımdır. Əgər bunu da bacarmayan insanlar varsa, heç olmasa bu xəbəri müxtəlif sosial şəbəkələrdə paylaşa bilər ki, bundan xəbərsiz olan, lakin kömək etmək iqtidarında olan şəxslər görə bilsin.
Əlaqə telefonu: 051 351 75 61

Allah şəfa versin!