Bu ilin fevral ayından etibarən başlayan Azərbaycan
Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə
dəstəyi ilə Qadın Təşəbbüsü və Sosial Problemlərin Həllinə Yardım İctimai
Birliyi tərəfindən "Sumqayıt şəhəri və yaxın bölgələrdə əhalinin qadın
hüquqları və onların müdafiə mexanizmləri barədə maarifləndirilməsi, hüquq
pozuntularına məruz qalmış qadınlara sosial xidmətlərin təşkili” layihəsi
uğurla davam edir.
Layihənin
əsas məqsədi Sumqayıt şəhəri və digər regionlarda əhali arasında qadın
hüquqları, onların müdafiə mexanizmləri barədə maarifləndirmə kampaniyalarının
təşkili, hüquq pozuntularının qurbanı olmuş qadınlar üçün fərdi məlumatlandırma
xidmətlərini təşkil etməkdir.
Layihə
başlanan müddətdən etibarən qadın hüquqları, gender bərabərliyi, erkən
nigahlar, qadın alveri, boşanmalar mövzularını əhatə edən maarifləndirmə
proqramları hazırlanmış, məqalələr dərc edilmişdir.
Fevral və mart aylarında Dünya TV telekanalında Qadın hüquqları mövzularını əhatə edən 3
televiziya verlişi nümayiş olunmuşdur. Televiziya verlişlərində ekspert qismində
tanınmış hüquqşunaslar, Azərbaycan Respublikasının Vəkillər Kollegiyasının üzvləri
çıxış etmişlər. Verlişlər 2 saat canlı olaraq nümayiş etdirilmişdir. Tamaşaçıları maraqlandıran hər
bir sual ekpertlər tərəfindən cavablandırılmışdır.
Layihə çərçivəsində qadınların iş hüququ, tənha
analara edilən güzəştlər,qadınların təhsil
hüququ, məişət zorakılığı, deputatların ölkəmizdə mövcud olan qadın hüquqları
haqqənda fikirləri, boşanmalar və alimentlər, rəsmi nigahdan yayınmalar,
sığınacaqların qorunması,ailə institutunun formalaşması və s. mövzularında 16 araşdırma
və məqalər və dərc olunmuşdur.
Layihə çərçivəsində 67 nəfər qadına hüquqi
yardım göstərilmişdir. Onlardan 17 nəfər boşanma, 7 nəfər aliment, 8 nəfərə zorakılıq ilə bağlı hüquqi yardımlar almışlar.
Layihə başlanan müddətdən 34 nəfər qadına
psixoloji yardım göstərilmişdir.
"Etimad telefonu” vasitəsi ilə 131 qadına və
onların ailə üzvlərinə ilkin hüquqi, psixoloji, sosial yardımlar göstərilmişdir.Layihə
çərçivəsində həmçinin qadın hüquqlarının pozuntusuna şərait yaradan,bu
pozuntuların arada qaldırılmasına mane olan hüquqi, sosial və iqtisadi amillərin
öyrənilməsinə və bu amillərin arada qaldırılması yollarının müəyyən edilməsinə
yönəlmiş sorğular təşkil olunur. Bu sorğular sosial şəbəkələr, KİV-lər vasitəsi
ilə elektron formada və həmçinin anket forması vasitəsilə əhali arasında
keçirdilir .
Qeyd edək ki, layihə müddətində davamlı
olaraq qadın hüquqlarının müdafiəsi mövzusunda təlimlərin, dəirmi masaların təşkil
olnuması , Tv proqramların hazırlanması nəzərdə tutulub.
Hər keçirdilən tədbirlər barəsində öncədən
KİV-də məlumatlar paylaşılır.
Xəbərdən istifadə edərkən istinad etmək vacibdir.
