Sumqayıt Regional Mədəniyyət İdarəsinə tabeli Nəriman Nərimanov adına Mədəniyyət Mərkəzinin "Dosluq” mədəniyyət evinin kollektivi Vətən müharibəsi şəhidi Nurlan Tofiq oğlu Nuruzadənin ailəsini ziyarət edib. Görüş zamanı şəhidin keçdiyi şərəfli döyüş yolundan söhbət açılıb. Ailəyə maddi mənəvi dəstək göstərilib.
Nurlan Nuruzadə 9 avqust 2001-ci ildə Sumqayıt şəhərində dünyaya göz açıb. Sumqayıt şəhəri H.Z.Hacıyev adına 17 nömrəli tam orta məktəbi bitirib. 1 oktyabr 2020-ci ildə Füzuli şəhəri istiqamətində gedən döyüşlərdə qəhramancasına şəhid olub. Ölümündən sonra Azərbaycan Respublikasının Prezidenti cənab llham Əliyevin Sərəncamına əsasən "Vətən uğrunda”, "Cəbrayılın azad olunmasına görə”, "Xocavəndin azad olunmasına görə”, "Cəsur döyüşçü”, və "Şuşanın azad olunmasına görə” medalları ilə təltif olunub.
Sonda şəhidin ailəsi onlara göstərilən diqqət və qayğıya görə Ölkə başçısına təşəkkürlərini bildirib.
Xəbərdən istifadə edərkən istinad etmək vacibdir.
