Sumqayıt şəhər Gənclər və İdman Baş İdarəsinin təşkilatçılığı ilə Sumqayıt Gənclər Evində şəhərin müxtəlif sahələrində fəaliyyət göstərən gənclər təşkilatları ilə 2021-ci il ərzində gənclərlə iş sahəsində görülmüş işlər, 2022-ci ildə qarşıda duran vəzifələr və prespektivlər mövzusunda görüş keçirilmişdir.
Çıxış edən Baş İdarənin gənclərlə iş sektorunun müdiri Ceyhun Hüseynov əsası Ulu Öndər Heydər Əliyev tərəfindən qoyulmuş dövlət gənclər siyasətinin bu gün ölkə başçısı İlham Əliyev tərəfindən uğurla davam etdirildiyini, cəmiyyətin ən fəal hissəsi olan gənclərin respublikamızın sosial-iqtisadi və ictimai-siyasi həyatında yaxından iştirak etdiklərini, onların elm, təhsil, mədəniyyət, idman və hərbi quruculuq sahəsində uğurlar qazanaraq ölkəmizin dünyada tanıdılmasına, vətənimizin müdafiəsinin, ərazi bütövlüyümüzün möhkəmləndirilməsinə töhfələr verdiklərini xüsusilə vurğulamış, 44-günlük Vətən müharibəsində gənclərimizin qəhrəmanlıqlarından danışmışdır. O, ölkə rəhbərinin müvafiq sərəncamı ilə təsdiq edilmiş "Azərbaycan gəncliyi 2017–2021-ci illərdə” Dövlət Proqramı”nın müddəalarının Sumqayıtda da uğurla icra olunduğunu qeyd etmiş, gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəsi sahəsində problemlərin həlli istiqamətlərində görülən işlərin, gənclər təşkilatlarının fəaliyyətlərinin təkmilləşdirilməsi və qlobal çağırışlara uyğun gənclər siyasətinin formalaşdırılmasının qarşıda duran əsas vəzifələrdən olduğunu bildirmişdir.
Görüşdə çıxış edənlər Gənclər Evinin direktoru Nərgiz Nağıyeva, Sumqayıt "Asan Xidmət” Mərkəzinin könüllülər üzrə kordinatoru Jalə Əhmədova, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin psixoloqu Gülnarə Şükürova və Gənclərin Karyera və İnkişaf Mərkəzinin əməkdaşı Ləman Muradi təşkilatların fəaliyyətləri, qarşıda duran vəzifələr, tədbirlər planı, prespektivlər istiqamətində çıxışlar edərək, gənclərin təkliflərinin öyrənilməsi məqsədi ilə keçirilən tədbirlər və yeni təşəbbüslər haqqında məlumat vermişlər. Qeyd olunmuşdur ki, gənclər siysətinin müəyyən istiqamətləri, gənclərin zərərli vərdişlərdən uzaqlaşdırılması, narkomaniya, QİCS, müxtəlif dini təriqətlərin ekstremist çağırışlarına qarşı mübarizə, gənclərin məşğulluqlarının təmin olunması günümüzdə prioritet məsələlər olaraq diqqət mərkəzində saxlanılmalıdır.
Sonda iştirakçıların təklifləri dinlənilmişdir.
Xəbərdən istifadə edərkən istinad etmək vacibdir.
