Azərbaycan Qızıl Aypara Cəmiyyətinin təşkilatçılığı və Qətər dövlətinin dəstəyi ilə regionun bir cox bölmələri kimi Sumqayıt şəhər bölməsinin qeydiyyatında olan ahıllar da sevindirildi. Tədbirdə Azərbaycan Qızıl Aypara Cəmiyyətinin Fövqəladə Hallara Hazırlıq şöbəsinin rəisi Elşən Səlimzadə, İcracı katibin müavini ,Gənclər və Könüllülər şöbəsinin rəhbəri Xalidə İsgəndərova iştirak edirdilər.Bölmə sədri Mətanət Məhərrəmova gələn qonaqları salamlayaraq, bütün bayramlarda digər bölmələr kimi QAC Sumqayıt şəhər bölməsinin ahıllarını da diqqətdə saxlayan baş idarəyə,xüsusən Cəmiyyətin Prezidenti,Millət Vəkili Novruz Aslanova bölmə və ahıllar adından minnətdarlıqlarını bildirdi. Elşən Səlimzadə ahılları Ramazan ayı münasibəti ilə təbrik edərək,onlara xoş arzularını bildirərək, Ramazan sovqatlarının hazırlanmasına dəstək olan Qətər dövlətinin Azərbaycan nümayəndəliyinin rəhbərliyinə öz təşəkkürlərini bildirdi. Ramazan sovqatı alan ahıllar da daima onları diqqətdə saxlayan Aypara Cəmiyyətinin əməkdaşlarına öz minnətdarlıqlarını bildirərək,xeyir-dualarını əsirgəmədilər.Yataq xəstələrinə Ramazan sovqatları bölmə könüllüləri tərəfindən evlərinə catdırıldı.
Xəbərdən istifadə edərkən istinad etmək vacibdir.
