Deputat Müşfiq Məmmədli Sumqayıtda fəaliyyət göstərən ABŞ-ın Beynəlxalq İnkişaf Agentliyinin maliyyələşdirdiyi (USAİD) Ailə, Qadın və Uşaq Problemləri üzrə Dövlət Komitəsi və Birləşmiş Millətlər Təşkilatının İnkişaf Proqramının (BMTİP) həyata keçirtdiyi "Sahibkarlığa və Məşğulluğa İqtisadi Dəstək" layihəsi çərçivəsində yaradılmış Sumqayıt şəhər Qadın Resurs Mərkəzi koordinatoru Günel Ələkbərova ilə Xızı rayonuna səfər ediblər.
Xeberle.com xəbər verir ki, səfər çərçivəsində Xızı rayonunda müxtəlif sahələrdə fəaliyyət göstərən xanımlarla Heydər Əliyev Mərkəzində görüş keçirilib. İlk olaraq millət vəkili mərkəzin fəaliyyəti ilə tanış olub, xatirə kitabına öz ürək sözlərini yazıb. Sonra akt zalında baş tutan tədbirdə çıxış edən Müşfiq Məmmədli seçki dairəsini əhatə edən Xızı rayonu ilə bağlı görülən işlər, müraciətlər barədə məlumat verib, ölkədə karantin rejiminin yüngülləşməsi, pandemik vəziyyətin nəzarətdə olduğunu bildirərək bundan sonra görüşlərin daha intensiv keçiriləcəyini söyləyib. Budəfəki görüşün Resurs mərkəzi haqqında məlumat vermək, xanımlara hüquqi və psixoloji yardımların göstərilməsi, həmçinin, müxtəlif peşə ilə məşğul olmaları üçün kursların təşkil olunması ilə bağlı məlumatları onların diqqətinə çatdırmaqdan ibarət olduğunu vurğulayıb.
Qadın Resurs Mərkəzinin koordinatoru Günel Ələkbərova çıxış edərək yeni yaradılmış mərkəz haqqında, həmçinin, gələcəkdə görüləcək işlər barədə ətraflı məlumat verib.
Qeyd edək ki, yaxın gələcəkdə geniş formatda görüşün keçirilməsi nəzərdə tutulur.
Xəbərdən istifadə edərkən istinad etmək vacibdir.
