Sumqayıt-Xızı seçki dairəsinin deputatı Müşfiq Məmmədli Xızı rayonuna növbəti səfəri zamanı Qarabulaq kəndində olub.
Xeberle.com xəbər verir ki, səfər zamanı Azərbaycan Respublikası Prezidentinin Sərəncamı ilə Azərbaycan Avtomobil Yolları Dövlət Agentliyi tərəfindən bərpa edilən Xızı-Qarabulaq yolu ilə tanış olub, kənd sakinləri ilə görüşüb.
Məlumat üçün bildirək ki, sözügedən yolun uzunluğu 11.7 kilometrdir. Yolun layihə üzrə hərəkət hissəsinin eni 6 metr, çiyinlərin eni isə hər bir istiqamət üzrə 2 metrə qədər təşkil edir. Əhali dövlət tərəfindən inşa edilən yolla bağlı öz razılıqlarını söyləyərək diqqət və qayğıya görə ölkə rəhbəri İlham Əliyevə dərin minnətdarlıqlarını bildiriblər.
Daha sonra millət vəkili 1994-cü ildə Bakı metropoliteninin "20 yanvar" stansiyasında baş vermiş terror hadisəsi zamanı həlak olmuş İbrahimov Fazil Eyvaz oğlunun valideyni Qızılgül ana ilə görüşüb. Qızılgül ana kəndin gündəlik həyatı, sakinlərin qayğıları ilə bağlı məlumat vermiş, çəkilən yolun böyük önəm daşıdığını vurğulayıb.
Xəbərdən istifadə edərkən istinad etmək vacibdir.
