Sumqayıt Regional Mədəniyyət İdarəsinə tabe olan Sumqayıt şəhərinin Tarixi Muzeyinin kollektivi şəhid, kiçik çavuş Samir Əli-Səttar oğlu Nadirovun ailəsini ziyarət edib.
44 günlük Vətən Müharibəsi zamanı oktyabrın 15-də Füzuli istiqamətində gedən döyüşlərdə şəhidlik zirvəsinə ucalan şəhidimiz ailəli idi, 2 övladı yadigar qalıb.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Respublikasının Prezidenti cənab İlham Əliyevin Sərəncamına əsasən Samir Nadirov ölümündən sonra "Vətən uğrunda", "Füzulinin azad olunmasına görə” medalları ilə təltif edilib.
Görüş zamanı şəhidimizin ailəsi qəhrəmanımızın keçdiyi şərəfli döyüş yolundan söz açıb, muzey kollektivi onların dərdinə şərik olmağa çalışaraq, hər zaman dəstək göstərməyə hazır olduqlarını bildiriblər. Şəhidin ailəsidə öz növbələrində dövlətin onlara göstərdiyi diqqət və qayğını qeyd edərək ölkə başçısına təşəkkürlərini bildiriblər.
Allah şəhidlərimizə rəhmət eləsin!
Xəbərdən istifadə edərkən istinad etmək vacibdir.
