Xidmət Sahələri üzrə Sumqayıt Dövlət Peşə Təhsil Mərkəzi və Heydər Əliyev Mərkəzinin birgə təşkilatçılığı ilə tanınmış şair, müəllim, Vətən müharibəsi iştirakçısı, prezident təqaüdçüsü Emin Pirinin iştirakı ilə "Vətən Sevgisinin Qələbəsi" adlı dəyirmi masa keçirilib.Xidmət Sahələri üzrə Sumqayıt Dövlət Peşə Təhsil Mərkəzi, Asan Xidmət Mərkəzi, Heydər Əliyev Mərkəzi və İqtisadi Zonaların İnkişafı Agentliyinin (İZİA) Peşə Təhsil Mərkəzinın əməkdaşları, könüllüləri, tələbə və valideyn heyəti üçün fərqli və önəmli görüş təşkil edilib.
Əvvəlcə Şəhidlərin əziz xatirəsi bir dəqiqəlik sükutla yad edilib.Tədbiri giriş sözü ilə Xidmət Sahələri üzrə Sumqayıt Dövlət Peşə Təhsil Mərkəzinin direktoru Gülşən Ömərova və Heydər Əliyev Mərkəzinin direktoru Vüsalə Qurbanova açıblar. Şairi və qonaqları salamlayaraq, dəvəti qəbul edib görüşdə iştirak etdikləri üçün təşəkkürlərini bildiriblər.
Sonra mərkəzin "Kompyuter operatoru" ixtisası üzrə təhsil alan tələbələrinin Emin Piri haqqında hazırladığı video təqdimat nümayiş olunub.
Görüşdə tanınmış şair, müəllim, Vətən müharibəsi iştirakçısı, prezident təqaüdçüsü Emin Piri və digər hörmətli qonaqlar -
Sumqayıt şəhər İcra Hakimiyyətinin ictimai-siyasi və humanitar məsələlər üzrə müdir müavini Fərman Kazımov ,
Azərbaycan Yazıçılar Birliyinin Sumqayıt bölməsinin sədri Gülnarə Cəmaləddin,
Sumqayıt şəhər Poeziya Evinin rəhbəri İbrahim İlyaslı,
Veteranlar Şurasının sədri Sovet Şükürov,
Sumqayıt şəhər Yeni Azərbaycan Partiyasının nümayəndəsi Ramil Ferecov ,
Sumqayıt Qızıl Aypara Cəmiyyətinin sədri Mətanət Məhərrəmova,
Gənclərin İnkişafı və Karyera Mərkəzinin rəhbəri Sevinc Qasımova,
Mərkəzin tarix müəllimi Akif Kazımov və
Şair, jurnalist Namiq Dəlidağ ilə Azərbaycançılıq, vətənpərvərlik, dövlətçilik, VƏTƏN müharibəsi, xalqın vahidliyi, müəllimlikdən səngərə gedən yol, ZƏFƏRLƏ qazanılan mənəvi dəyərlər, Azərbaycanın beynəlxalq arenada müsbət imici haqqında danışılıb.
Görüşdə Xidmət Sahələri üzrə Sumqayıt Dövlət Peşə Təhsil Mərkəzinin tələbləri şairin şeirlərindən ibarət kompozisiya təqdim ediblər.
Tədbir zamanı gənc şair öz şeirlərini səsləndirib, gənclərin suallarını cavablandırıb, tədbir diskusiya şəklində davam edib.
Xəbərdən istifadə edərkən istinad etmək vacibdir.
