Sumqayıt Regional Mədəniyyət İdarəsinin tabeli olan Xızı rayon nümayəndəliyinin təşkili ilə Heydər Əliyev Mərkəzində ölkəmizin adını öndə olan dünya ölkələri sırasına yazan, öz uzaqgörənliyi ilə dünya siyasətçilərini daim heyrətə gətirməyi bacaran, millətin hər bir nümayəndəsini ürəkdən sevən dahi şəxsiyyət, ulu öndər Heydər Əliyevin anadan olmasının 99-cu ildönümünə həsr olunmuş "Sən elə bir zirvəsən” adlı tədbir keçirlib. İlk öncə Azərbaycan xalqının ümummilli lideri bir dəqiqəlik sükutla yad edilib.
Tədbirdə ulu öndər Heydər Əliyevin böyüklüyü, müdrikliyi, xalqını, vətənini necə bir məhəbbətlə sevdiyi, yürütdüyü məqsədyönlü siyasətlə ölkəmizi dünya arenasında mükəmməl təmsil etməsi mövzusu ətrafında geniş çıxışlar edilib.
Sonda Heydər Əliyevin həyat və fəaliyyətindən bəhs edən sənədli filmə baxış keçirilib.
Qeyd edək ki, ulu öndər 2003-cü il dekabrın 12-də vəfat edib, dekabrın 15-də Bakıda I Fəxri Xiyabanda dəfn olunub.
Xəbərdən istifadə edərkən istinad etmək vacibdir.
