Dini Qurumlarla İş üzrə Dövlət Komitəsi azad edilmiş ərazilərdə təkcə məscidlərin deyil, dini ibadət yerlərinin tikilməsi ilə bağlı təkliflərini verib.
Xeberle.com xəbər verir ki, bunu Dini Qurumlarla İş üzrə Dövlət Komitəsinin sədr müavini Gündüz İsmayılov bildirib:
"Azərbaycanın işğaldan azad edilən ərazilərində müəyyən etdiyimiz məscidlərin sayı 67-dir. Onlardan ikisi, yəni Ağdam cümə məscidi və Şuşa şəhərində yerləşən Yuxarı Gövhər Ağa məscidi qismən saxlanılıb, digər 65 məscid isə tamamilə dağıdılıb. Bu məscidi saxlamışdılar ki, müharibə olacağı təqdirdə oradan baxıb hücum istiqamətlərini müəyyən etsinlər. Digər məscidlər isə yerlə yeksan edilib. Hazırda işğaldan azad edilmiş ərazilərdə məscidlərin, dini ibadət yerlərinin bərpası ilə bağlı kompleks işlər həyata keçirilir”.
Xəbərdən istifadə edərkən istinad etmək vacibdir.
