Sumqayıt Regional Mədəniyyət İdarəsinə tabe olan M.Ə.Rəsulzadə adına kitabxana filialda 28 May Müstəqillik Günü münasibətilə 14 nömrəli tam orta məktəbin müəllim və şagirdlərinin iştirakı ilə "Müstəqil Azərbaycan” adlı tədbir keçirilib. İlk olaraq şəhidlərimizin ruhu bir dəqiqəlik sükutla yad edilib.
Tədbirdə məktəbin müəlliməsi çıxış edərək, mövcud tarixi şəraitdə Cümhuriyyətin qurulması, yaradılan demokratik təsisatlar, Azərbaycan dilinin dövlət dili elan edilməsi, Milli Ordunun təşkil olunması, qadınlara seçki hüququnun verilməsi və s. istiqamətdə görülən işlər barədə ətraflı məlumat verib. O, Azərbaycan Respublikası Prezidenti cənab İlham Əliyevin gənclərə göstərdiyi diqqət və qayğıdan, 44 günlük Vətən müharibəsi dövründə Azərbaycan xalqının tarixi qələbəsindən, işğaldan azad olunan torpaqlarda görülən möhtəşəm quruculuq işlərindən də danışıb.
Kitabxananın oxucusu Əsma Eyvazlı tərəfindən şeir səsləndirilib.
Sonda tədbirin aparıcısı iştirakçılara təşəkkür edib.
Xəbərdən istifadə edərkən istinad etmək vacibdir.
