Sumqayıt Regional Mədəniyyət İdarəsinə tabeli olan N.Nərimanov adına Mədəniyyət Mərkəzində 28 May Milli Müstəqillik Gününə həsr olunan "Müstəqilliyimiz əbədidir!” adlı tədbir keçirilib. Öncə mərkəzin foyesində biçmə-tikmə kursu üzvlərinin hazırladıqları geyimlərdən və rəssamlıq kursu üzvlərinin əl işlərindən ibarət sərgi təşkil olunub. Sərgi tədbirə gələnlərin böyük marağına səbəb olub.
Tədbirə Azərbaycan Respublikasının Dövlət Himni ilə başlanılıb. Tədbirin aparıcıları dövlətimizin müstəqilliyi haqqında qısaca məlumat verdikdən sonra mövzuya uyğun mahnılar, şeirlər bir-birini əvəz edib.
Tədbirdə mərkəzdə fəaliyyət göstərən biçmə-tikmə kursları üzvlərinin tikib hazırladıqları geyimlərin nümayişi, rəqs kursu üzvlərinin rəngarəng rəqsləri, həmçinin aprel-may aylarında Mədəniyyət Mərkəzində keçirilən "Ritm bir dünyadır” adlı regionlararası ritm müsabiqəsində yer tutan iştirakçıların, eləcə də 1-cilik qazanan Qobu mədəniyyət evinin çıxışları və sonda onların Fəxri fərmanla təltifi hər kəsdə xoş ovqat yaradıb.
Xəbərdən istifadə edərkən istinad etmək vacibdir.
