1 İyun- Uşaqların Beynəlxalq Müdafiəsi Günü ilə bağlı Sumqayıt Dövlət Dram Teatrında tədbir keçirilib.
Tədbirdə Abşeron-Xızı Regional Təhsil İdarəsi və Sumqayıt şəhər İcra Hakimiyyətinin rəhbərliyi, təhsil işçiləri, eləcə də digər qonaqlar iştirak edib.
Tədbiri giriş sözü ilə açan Abşeron-Xızı RTİ-nin müdiri İlhamə Abdullayeva çıxışında bütün uşaqları 1 İyun- Uşaqların Beynəlxalq Müdafiəsi Günü münasibətilə təbrik edib.
Daha sonra günün tarixi haqda məlumat verilib. Prezident İlham Əliyevin uşaq hüquqlarının müdafiəsi sahəsində apardığı sosialyönümlü siyasət və bu sahədə atdığı mütərəqqi addımlar diqqətə çatdırılıb.
Tədbir zamanı uşaqlar vətənpərvərlik mövzusunda şeir və musiqilər səsləndirib, maraqlı kompozisiyalar nümayiş ediblər.
Görüş iştirakçıların "Xarı Bülbül”, "Qaval”, "Sarı Gəlin”, "Dünya bizimdir” adlı rəqsləri ilə davam edib. Şəhid övladlarından ibarət "Əmanət” qrupu xorda "Zəfər himni” ni səsləndirib.
Sonda çıxış edən Sumqayıt İH-nin başçısı Zakir Fərəcov uşaqları 1 iyun – Uşaqların Beynəlxalq Müdafiəsi Günü münasibətilə uşaqları təbrik edərək, onlara firəvan həyat arzulayıb.
Xəbərdən istifadə edərkən istinad etmək vacibdir.
