Sumqayıt Regional Mədəniyyət İdarəsinin tabeliyində olan Sumqayıt şəhərinin Tarixi Muzeyində "İnsan hüquqları aylığı” (18 may – 18 iyun) çərçivəsində "Hüquq bərabərliyi” mövzusunda seminar keçirilib.
Xeberle.com xəbər verir ki, muzeyinin direktoru Aygün Zülfüqarlı seminarı açaraq ölkəmizdə insan, vətəndaş hüquq və azadlıqlarının qorunması işinin davamlı olaraq təkmilləşdirilməsindən, bu sahədə məqsədyönlü tədbirlərin uğurla həyata keçirilməsindən danışıb. O, Prezident İlham Əliyevin rəhbərliyi ilə dövlət siyasətinin əsas istiqamətlərindən biri kimi hüquqi dövlət quruculuğu və insan hüquqlarının müdafiəsi sahəsində səylərin gücləndirilməsindən bəhs edib.
Hüquqşünas Ruslan Mustafazadə çıxışında Azərbaycan Respublikasında vətəndaşların layiqli həyat səviyyəsinin təmin edilməsinin ali məqsəd kimi qarşıya qoyulduğunu bildirib, dövlətimizdə insan və vətəndaş hüquqlarının, azadlıqlarının uğurla həyata keçirilməsi istiqamətində görülən tədbirlərdən söz açıb.
Sonda seminar iştirakçılarının sualları cavablandırılıb.
Xəbərdən istifadə edərkən istinad etmək vacibdir.
