15 iyun-Milli Qurtuluş Günü münasibətilə Sumqayıt Regional Mədəniyyət İdarəsinin tabeliyində olan Sumqayıt şəhərinin Tarixi Muzeyi və Gənclərin İnkişaf və Karyera Mərkəzinin Sumqayıt nümayəndəliyinin birgə təşkilatçılığı ilə "Qurtuluşdan Zəfərə Gedən Yol” adlı elmi praktiki konfrans keçirilib. Muzeyin direktoru Aygün Zülfüqarlı konfrans iştirakçılarını salamlayaraq, 15 İyun Milli Qurtuluş Günü kimi Azərbaycan xalqının tarixinə qızıl hərflərlə yazılmış həmin günün Ümummilli Liderimiz Heydər Əliyevin hakimiyyətə qayıdışı ilə Azərbaycanda o zaman hökm sürən dərin ictimai-siyasi böhrana son qoyulmasından, Azərbaycanın müstəqilliyinin itirilməsi təhlükəsinin aradan qaldırılmasından və respublikamızda dövlət quruculuğunun, sosial-iqtisadi inkişafın təməlinin qoyulmasından söz açıb. Çıxış zamanı rəşadətli, qəhrəman Azərbaycan ordusunun döyüş meydanında Müzəffər Ali Baş Komandanın rəhbərliyi ilə qazandığı tarixi qələbədən danışaraq, xalqımıza yalnız zəfər, bayram yaraşdığını qeyd edib. Gənclərin İnkişaf və Karyera Mərkəzinin Sumqayıt nümayəndəliyinin direktoru Sevinc Qasımova çıxışında qazanılan nailiyyətlərin əsasında Ümummilli Lider tərəfindən müəyyənləşdirilən siyasi kursun uğurla davam etdirilməsindən bəhs edib. Tədbirdə iştirak edən Sumqayıt Dövlət Universitetinin tələbələri də öz təəssüratlarını bölüşüblər. Sonra sənədli materiallar əsasında hazırlanan film nümayiş olunub.
Sonda tədbir iştirakçılarına muzeyin ekspozisiyası haqqında ətraflı ekskursiya keçirilib.
Xəbərdən istifadə edərkən istinad etmək vacibdir.
