İşsiz və işaxtaran şəxslərin nəzərinə!
Dövlət Məşğulluq Agentliyinin Abşeron-Xızı Regional Məşğulluq filialının dəstəyi ilə Əmək yarmarkası keçiriləcək.
Yarmarkada Sumqayıt, Abşeron və Xızı üzrə 35 müəssisə 250-dən çox vakansiya ilə iştirak edəcək.
Əmək yarmarkasına gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaqdır.
Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib, qısa müddətdə öz CV-nizi PDF formatında əldə etmək mümkündür.
Yarmarka keçiriləcək ünvan və tarix:
Sumqayıt şəhəri, 44-cü məhəllə ("Kimyaçı” Mədəniyyət Sarayı)
14 iyun, 2022, saat 10:00
Xəbərdən istifadə edərkən istinad etmək vacibdir.
