Sumqayıt Regional Mədəniyyət İdarəsinin tabeliyində olan Qubadlı rayon Nümayəndəliyi tərəfindən Nəriman Nərimanov adına Mədəniyyət Mərkəzində Vətən müharibəsinin şəhidi Orxan Elxan oğlu Rəhimlinin anım mərasimi keçirilib. Tədbirdə Qubadlı Rayon İcra Hakimiyyətinin başçısının müavinləri Allahverdi Haqverdiyev, Xoşqədəm Alıyeva və digər məsul işçilər, YAP-nın Qubadlı rayon Təşkilatının sədri Təhmasib Rüstəmov, şəhidin ailə üzvləri, rayon ictimaiyyəti işirak ediblər.
Aparıcı şəhidin keçdiyi şərəfli həyat yolu haqqında geniş məlumat verib, vətənimizin azadlığı uğrunda canlarından keçən bütün şəhidlərin əziz xatirəsi bir dəqiqəlik sükutla yad edilib. Ardınca Mədəniyyət evinin hazırladığı kompozisiya, musiqi nömrələri, şeirlər söylənilib. Çıxış edənlər qəhrəman ailəsinə səbr, şəhidimizə isə Allahdan rəhmət diləyiblər.
Xəbərdən istifadə edərkən istinad etmək vacibdir.
