YAP Sumqayıt şəhər təşkilatının ərazisində "Gələcəyimizə sahib çıxaq – Narkotiklərə yox deyək!” adlı fləşmob təşkil edilib.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən işçi qrupundan Xeberle.com-a bildiriblər ki, fləşmobu 26 iyun BMT-nin Ümumdünya Narkotiklər Əleyhinə Mübarizə Günü ilə əlaqədar Yeni Azərbaycan Partiyasının Mərkəzi Aparatı, "Azərbaycan Televiziya və Radio Verilişləri” QSC və Dövlət Komissiyasının daimi fəaliyyət göstərən işçi qrupu arasında imzalanmış tədbirlər planına uyğun olaraq YAP Sumqayıt şəhər təşkilatı keçirib.
Fləşmobda 250 gəncin iştirakı ilə "Gələcəyimizə sahib çıxaq – Narkotiklərə yox deyək!” şüarı yaradılıb.
Xəbərdən istifadə edərkən istinad etmək vacibdir.
