"Oğurluq hadisəsi baş verdi”.
Dünən KİV-də Bakının mərkəzində - Tolstoy küçəsində yerləşən "Refresh” adlı "Pub-Kafe”yə azərbaycanlıların buraxılmaması barədə məlumat yayılmışdı.
Məsələ ilə bağlı "Refresh” adlı "Pub”-ın sahibi Mirzə Feyzullayev açıqlama verib.
"Pub”-ın sahibi bildirib ki, buna səbəb obyektdə baş vermiş oğurluq hadisəsidir:
"Bizim müəyyən "dress code”-muz var və "Pub”-a azərbaycanlıları buraxırıq. Bir müddət bundan öncə obyektimizdə çoxlu sayda xarici müştəri var idi. Bir azərbaycanlı gəldi, onu buraxdıq. Mənim başım qarışıq idi, birdən eşitdim ki, əcnəbi müştərinin mobil telefonu itib.
Bunu eşidən kimi obyektdən bayıra çıxışı bağladım və öz işçilərim də daxil olmaqla hər kəsin üzərini yoxlamağa başladım. Oğurlanmış mobil telefon həmyerlimizin üzərindən çıxdı. Obyektdə oğurluq halı baş verdiyi üçün düz iki ay müştəri azlığından əziyyət çəkdik. Və qərara aldıq ki, obyektə yalnız öz tanıdığımız azərbaycanlıları buraxaq.
M.Feyzullayev oğurluq hadisəsindən sonra az da olsa azərbaycanlıları obyektə buraxdıqlarını dedi:
"Baş vermiş xoşagəlməz hadisədən sonra azərbaycanlıları yalnız üst-başlarına baxıb, (dress-code) sonra içəri buraxıb nəzarət edirik, özünü normal aparırsa növbəti dəfə içəri buraxırıq. Yayılan məlumat isə həqiqətə uyğun deyil. Kim indiki zəmanədə öz qazancından qalar? Həmyerlimiz özünü normal aparırsa istənilən vaxt obyektimizə sərbəst daxil ola bilər”. (Oxu.Az)
Xəbərdən istifadə edərkən istinad etmək vacibdir.
